Ата – әсәләр ҡолағына

-Барыһынан да бигерәк, балағыҙға бер ҡасан да, бер ниндәй хәлдә лә таныш булмаған кешеләрҙән тәм – том әйберҙәре, аҡса ниндәй ҙә булһа бүләк алырға, шулай уҡ үҙе, ғаиләһе һәм өйө тураһында һүҙ башларға ярамағанлығын аңлатығыҙ. Балаларҙың иғтибарын йәлеп итергә тырышыусы енәйәтселәрҙең “эш методы” бер үк: эт йәки башҡа хайуанды күрһәтеү йәки табырға ярҙам итеү, кәнфит, шоколад, һағыҙ, уйынсыҡ биреү кеүек мауыҡтырғыс тәҡдимдәр.

-Биш йәштән бәләкәйлерәк балаларҙың өҫ кейеме эсенә фамилияһын, исемен һәм йәшен күрһәтеп яҙылған туҡыма киҫәге тегеп ҡуйырға кәрәк.

-Балалағыҙҙы ишектәге “күҙ” ҙән файҙаланыу ҡағиҙәләрен өйрәтегеҙ. Әгәр күҙ аша тышҡы яҡта бер кеше лә күренмәһә, ишекте асмаҫҡа кәрәк.

   Насар компания үҫмерҙәр өсөн генә тип уйлаһағыҙ – яңылышаһығыҙ. Балалар баҡсаһына йөрөгән балалар өсөн дәнасар дуҫтар шулай уҡ ҡурҡыныс.

Шулай итеп, тёртипле, аҡыллы тип йөрөгән малай сығырҙан сыҡҡан хулиганға, ә тыйнаҡ, оялсан ҡыҙ тупаҫ, оятһыҙ “әхирәт” кә тап булырға мөмкин. Әлеге “дуҫлыҡ” ҡа ҡаршы сығып ҡына ҡына нәтижәгә ирешеп булмаясаҡ. Шуға күрә, баланың үҙен кешеләрҙе танырға өйрәтеп ҡарарға кәрәк:

1.Балағыҙҙың дуҫтары меәнә танышығыҙ. Бының өсөн уларҙы өйөгөҙгә саҡырығыҙ.

2.Дуҫтар тураһында бала менән күберәк һөйләшегеҙ, ҡыҙыҡһынығыҙ, әммә балағыҙҙың дуҫтары хаҡында насар һүҙҙәр һөйләүҙән тыйылығыҙ, киреһенсә, баланың үҙенә дуҫы эшләгән батырлыҡ тураһында уйланырға тәҡдим итегеҙ. Мәҫәлән, ул тәрбиәсегә тупаҫ яуап ҡайтарған, ти. “Әгәр тәрбиәсе урынында һинең апайың йәки әсәйең булһа, ни эшләр инең?” – тигән һорау биреп ҡарағыҙ.

3.Әгәр инде дуҫлыҡ кәрәгенән артыҡ икән, балағыҙҙы төрлө секцияларға, түңәрәктәргә яҙығыҙ. Уның хулиган дуҫы менән аралашырға ваҡыты әҙәйәсәк һәм дуҫлыҡ үҙенән үҙе һүнәсәк.